*** عيني عليك ***
عيني عليك يا ابني
من زحمة الأيام
الشقة فين هتبني
والسعر أصبح كام
مش لاقي لقمة عيش
وكمان مافيش بقشيش
شهاداتك متساويش
ملعون أبو العلام
ياما صبرنا يا با
وقلنا بكره تروق
ذاكرنا واتعلمنا
وقلنا نطلع فوق
لفت بينا الحياة
مرارة وألف ٱه
الحلم و حلمناه
طلع قمر مخنوق
ملوش فايدة الكلام
وسع وسع أنا جيت
عايش مبسوط وغنيت
مصنع وكمان تصدير
والعيشة جنب وزير
وعملت فلوس كتير
غنوة ، كورة ، وكلاكيت ،
عملت سبع أفلام
وانا موظف وبسيط
وماشي جنب الحيط
عايش على الضمانات
أقساط ومسكنات
وولادي فى امتحنات
عملت نفسي عبيط
أهي عيشة والسلام
كتاكيت مزروعة ياناس
وفلوس من غير حراس
لكن لازم تتعلم
ازاي للبيه تتكلم
وتقول تسلم يامعلم
وبلاش شغل الوساس
لا تسأل فين ولا كام
وأنا فلاح ومزارع
ع الصحرا قلت أنا طالع
زرعت ارض كتير
لاميه ولاتعمير
ولا حتى فيه ضمير
ولاحد لينا سامع
هربت من الأحكام
إحنا بلد الشهامة
عارفين معني الحياه
حب وعدل وكرامة
والحلم نستناه
مهما تقسى الظروف
لازم عدلك نشوف
يارب و انت عالم
مظلوم أنا أو ظالم
العدل والمساوه
بقلمي الشاعرناصرعطامحمد
البلد مصر
أكاديمية رياض الشعر والأدب للتوثيق 