ونتلاقى
ونتلاقى ولا كلمة
ولمح عنيك مخاصمنا
ومهما نقول ونتكلم
لا كنت في يوم تكلمنا
يخدنا البعد والمسافات
وبردو القرب يخذلنا
دا كان بينا غنا و حكايات
وصوت فينا يناديلنا
وكام مرة بنتفرق ونتلاقى
ونحكيلك وتحكيلنا
في قلبي نار
دي فيه بتبات
وقولنا عنه ما قلنا
ونتلاقى
وعيني ليك مشتاقة
ولا تعدي
ولا تجيلنا
نتلاقى كدا اغراب
وحتي النفس بحساب
لا شفقة بحالي يوم
ولا حتى يوم تحنيلنا
أيه اللي غير الأحوال
وجاب أولنا آخرنا
لا عارفني
ولا حاسه بنار قلبي
وكل طريق في يوم مشيناه
ولو صدفة بينكرنا
عيون الناس بتتحسر
ما بيننا جسور بتتكسر
من الذكرى تفكرنا
ونتلاقى ولا كلمة
وطرف عنيك مخاصمنا
أيمن فوزي
أكاديمية رياض الشعر والأدب للتوثيق 